خلصت عطلة الربيع بسرعه من قبل لا ايينا الربيع ، توا هاليومين تعدل الجو و صار دفا يعني صج ربيع ، و المفروض الحين تبدأ العطله علشان يستانسون الياهال و يلعبون بره مو يعطلون بالمربعانيه و يعانون من الانفلونزا و الصخونه و التنك و يحوسون اهلهم معاهم من طبيب لي طبيب !!! توقيت الإجازة مو عدل يا يأخرونها اسبوعين أو يزيدونها اسبوع تصير 3 أسابيع و يخصمونه من عطلة الصيف علشان صج الناس تطلع البر و تستانس ... خصوصا ان اللي يسافرون هذا الوقت قليل لان محد يبي يطوف الجو بالكويت ...
ولا انتو شرايكم !!ا
9 comments:
بصراحة أنا جذبني عنوان البلوغ، حسيت أن صاحبته انسانة رزينة، بس يوم شفت ماباقي إلا اليمن نتعادل معاهم في البوست حق أيام خليجي 18، صدق حسيت بغصة، لأننا نسينا أن الله ما خلقنا شعوب وقبائل إلا لنتعارف و الكورة هي رياضة وشو ما كانت النتيجة لازم تؤخذ بروح رياضية، بدون تجريح في الآخرين.
تحياتي
اي والله عاد هالايام الجو عجيب..:)
عنوان البوست كتبته من باب التهكم و ما كان في بالي تجريح احد ... آنا معاك الرياضه فرقت الشعوب بس لابد ساعات نتفاعل مع الوضع الرياضي زياده عن اللزوم ..
و حياكم الله
حياج الله q8ya
الله يتمم علينا هذا الجو بخير
ايه والله توقيتها خطأ
المفروض تبدأ هالاسبوع وتنتهي مع احتفالات يوم التحرير واليوم الوطني
لأنه احلى جو هالوقت
ماعليه يايتنا عطلة العيد الوطني :)
جونا ما ينعرف له
كل سنه غييير
معاك حق ،،
مفروض تكون أطول ،،
إحنا كانت أسبوع واحد فقط
ما يمدي الواحد يرتاح إلا وبدت الدراسة من جديد
كان الله في العون
تحيّاتي لك ،،
Mamloo7a Q8ia
هلا اختي ، نعم التوقيت اللي قلتيه اهوه الصح بس وين اللي يسمع
ياليت تتغير السنة الجايه
و حياج الله
بالتوفيق
------------------
3ateeja
اي و الله يايتنا عطلة العيد الوطني بس يقولون راح يصير الجو شويه برد - الله يستر - احنا الصراحه متزهبين لها و بيبله البر :))
--------------------------
هلا Cr8ivia
آنا و ياج جونا ما ينعرف له بس المفروض يخلونها بعد ما تخلص المربعانية !!ا
بعد هذه كل الكويت تعرف وقتها او من العجيري ..
و حياج الله
--------------------
حياك الله MiaMi
و بالتوفيق بالدراسه
Post a Comment