(( العطاء الجمــيل ))

جميل ان تعطي من يسألك ما هو في حاجة إليه ، و لكن أجمل من ذلك أن تعطي من لا يسألك و أنت تعرف حاجته ...

وَقَضَى رَبُّكَ أَلاّ َتَعْبُدُواْ إِلاَّ إِيَّاهُ وَبِالْوَالِدَيْنِ إِحْسَانًا

وصلتني قصه مؤثره بالإيميل أخليكم معاها :

كان هناك أب في ال 85 من عمره وابنه في ال 45 وكانا في غرفة المعيشة وإذ بغراب يطير من القرب من النافذة ويصيح

فسأل الأب أبنه

الأب: ما هذا ؟

الابن: غراب

وبعد دقائق عاد الأب وسأل للمرة الثانية

الأب: ما هذا؟

الابن بإستغراب : انه غراب!!

ودقائق أخرى عاد الأب وسأل للمرة الثالثة

الأب: ما هذا؟

الابن وقد ارتفع صوته: انه غراب غراب يا أبي!!!

ودقائق أخرى عاد الأب وسأل للمرة الرابعة

الأب: ما هذا؟

فلم يحتمل الابن هذا و أشتاط غضبا وارتفع صوته أكثر وقال: مالك تعيد علي نفس السؤال فقد قلت لك انه غراب هل هذا صعب عليك فهمه؟

عندئذ قام الأب وذهب لغرفته ثم عاد بعد دقائق ومعه بعض أوراق شبه ممزقة وقديمة من مذكراته اليومية ثم أعطاه لإينه وقال له أقرأها
بدأ الابن يقرأ : اليوم أكمل ابني 3 سنوات وها هو يمرح ويركض من هنا وهناك وإذ بغراب يصيح في الحديقة فسألني ابني ما هذا فقلت له انه غراب وعاد وسألني نفس السؤال ل 23 مرة وأنا أجبته ل 23 مرة فحضنته وقبلته وضحكنا معا حتى تعب فحملته وذهبنا فجلسنا......
سبحان الله...

قال الله تعالى في القرآن الكريم : وَقَضَى رَبُّكَ أَلاّ َتَعْبُدُواْ إِلاَّ إِيَّاهُ وَبِالْوَالِدَيْنِ إِحْسَانًا إِمَّا يَبْلُغَن عِندَكَ الْكِبَرَ أَحَدُهُمَا أَوْ كِلاَهُمَا فَلاَ تَقُل لَّهُمَا أُفٍّ وَلا تَنْهَرْهُمَا وَقُل لَّهُمَا قَوْلاً كَرِيمًا ّ وَاخْفِضْ لَهُمَا جَنَاحَ الذُّلِّ مِنَ الرَّحْمَة وَقُل رَّبِّ >ارْحَمْهُمَا كَمَا رَبَّيَانِي صَغِيرًا رَّبُّكُمْ أَعْلَمُ بِمَا فِي نُفُوسِكُمْ إِن تَكُونُواْ صَالِحِينَ)))

عيد الرغوه و يوم حذف البالونات

هذا هو الواقع المر :( ارتبط الاحتفال - بالأعياد الوطنية - عيد الرغوه و يوم حذف البالونات بهذه الممارسات الممله و الغير اخلاقيه و قد سببت بالعديد من الحوادث و طبعا الهوشات بين المواطنين !!!

ليش ما نحتفل بطريقة ارقي من جذي يعنى اطلاق الألعاب الناريه تزيين المنازل و الشوارع بعلم الكويت الاكتفاء برفع علم الكويت فوق السياره ..

و الله الواحد لما يشوف هالمسيرات الماصخه ما يسمع ولا اغنية و طنية كله دنابك و اغاني راقصه مايعه !!!ا

الوطنيه بصوب و الناس بصوووب !!!!!ا

علشان جي اكره اكون بالديره في العيد الوطنى و انحاش الي البر ،،، اللي بعد ما سلم منهم !!!ا

:: عيدي يا كويت ::

اتقدم بخالص التهنئة ل بمناسبة العيد الوطنى و ذكرى التحرير لحبيبتى الكويت ، عسى الله يتمم علينا نعمة الأمن و الأمان و الخير والرخاء و الأستقرار و الله لا يغير علينا ، اللهم آمين ..
و بهذه المناسبة السعيدة و قدوم العطلة الطويلة اتغيب عن البلوق في رحلة إلى بر الكويت الجميل !!ا

عاد مااوصيكم ديروا بالكم على البلوق ;)

و اتمنى للجميع عطلة سعيدة و بالتوفيق :)

(( عطلة 15 ))

خلصت عطلة الربيع بسرعه من قبل لا ايينا الربيع ، توا هاليومين تعدل الجو و صار دفا يعني صج ربيع ، و المفروض الحين تبدأ العطله علشان يستانسون الياهال و يلعبون بره مو يعطلون بالمربعانيه و يعانون من الانفلونزا و الصخونه و التنك و يحوسون اهلهم معاهم من طبيب لي طبيب !!! توقيت الإجازة مو عدل يا يأخرونها اسبوعين أو يزيدونها اسبوع تصير 3 أسابيع و يخصمونه من عطلة الصيف علشان صج الناس تطلع البر و تستانس ... خصوصا ان اللي يسافرون هذا الوقت قليل لان محد يبي يطوف الجو بالكويت ...

ولا انتو شرايكم !!ا

كثرت المسابقات

وين ما افتح الجرايد و لا النت إلا في مسابقات للتصوير الفوتوغرافي بالكويت ، و آنا الصراحه طاف على ان هذه الحزه تكثر المسابقات لان من زماان ما تابعت ولا شاركت بشي كنت واييد مشغوله حتى عن هوايتي العزيزه ..
الحين تفاجأة مسابقة تصوير علم الكويت ( انت و بس ) و مسابقة جامعة الكويت ، و مسابقة فندق ساس و مسابقة النادي العلمي ، و كلهم في نفس الوقت تقريباً يعنى ما يمدي الواحد يدور بين صوره مثل حالاتي وافرزهم و اكبرهم على المقاسات اللي يبون و اوديهم ، ،
الظاهر راحت على !!ا
النادي العلمي نزل اعلانه الثلاثا و قال آخر موعد السبت 10\2 يعنى متي يمدي !! و خصوصا اذا كانت الصور نيجاتيف مو
ديجيتال !!
و ملاحظه مواضيع المسابقات كلها نفس الشي عن الكويت و مواضيع سهله ،،، ما عدا مسابقة علم الكويت شوي فيها تغيير !! ا
ما ادري الصراحه شسوي !! حيره
بشوف اللي عندي و بحاول و على الله

شيل قشك ،، و اطلع من الدوره

.. ويتكرر المشهد: خسارة.. دموع.. واستقالة

سمحوا لي اقتبس من الوطن لان الصراحه ما عندي حجي ثاني !!!ا

----------------------

اللوم الأول و الأخير على الاتحــــاد . اما المنتخب فبرأيي الشخصي ماله دور فهوه لعبه يحركه الاتحاد يمين و يسار ...

بالمختصر : اقيلوا الاتحاد الكويتي لكرة القدم - اسمه اكبر منه - ما ادري ليش مكابرين !!!ا

اكثر من جذي بعد شيبون !!ا

فليسجل التاريخ الرياضي ( لأول مره في تاريخ الكويت يخرج منتخبها من من دورة الخليج بخسااره ). لا حول و لا قوة إلا بالله

:: كلمات من ملحمة الوجد ::

اقول احبك

في زمنٍ يخجل الناس فيه من الحب لا يخجلون من الحقد

والكبر والعنف لكنما الحب يجرح فيهم اباء الفحولة يحرجهم .

يتلعثم واحدهم

حينما يذكر الحب

لكنني من دون لحظة شكٍّ

..ودون هنية خوفٍ اقول احبك

.. اكتبها في الدفاتر اعلنها في المنابر ازرعها في الغيوم وأنقشها في الرمال اقول احبك من غير

أن اتحفظ أو اتردد او أتراجع

.. اكتب حبك

.. شعراً ونثراً

.. وتاريخ وجدٍ وعصر حنينٍ وقرن غرام وهذا الصباح نهضتُ فلاحظتُ ان السماء أرق

لأني احبك ان الورود أشد احمراراً

لأني أحبك ان الغيوم ترش الرذاذ

لأني احبك قلت : " صباحُك نورٌ ووردٌ وغيمٌ وحبٌ

شعر الدكتور غازي القصيبي

ما بقي إلا اليمن بعد ... نتعادل معاها !!!ا

هذا الأزرق حبيبي ... هذا الأزرق يلا حيووه !!!ا

هذا هو الموج الأزرق من يطب في بحره يغرق !!!ا

هذا يقول آآآه و هذا يقوول آآآه ... هذا الكويتي لا تلعب ويااااه

ياكم الذيب ياكم !!!!ا

هذه اللي يسلمكم كلها أغاني نسمعها في الراديو و الله الصراحه تضحك الأولىتقول كلماتها : من يطب في بحره يغرق.... !! ما يندري منو اللي راح يغرق .. أما الأغنية الثانية اللي فشلتني ياكم الذيب ،،، ياكم

ودي اتابع المباريات و اشجع منتخبنا الوطني بس ادري ما راح احصل إلا ارتفاع بضغط الدم و حرااات ، حم سنه و منتخبنا قاعد ينزل مستوااه و من ردي لي أردى و لي يومك مو عارفين السبب ..عيل اليمن نتعادل معاها !! بعد شنو راح يتحفونا فيه !!! و مع هذا صابرين

و الله ما يندري منو اللي راح يأخذ الكاس هذه السنه بالدوره مع الاخذ بالاعتبار بإستبعاد منتخبنا ...

دايما اسمع كلمة محطم قلوب العذارى آنا راح اسمي منتخبنا محطم قلوب المشجعين

و ارجع و اقوول قلوبنا معااك يا الأزرق لا تفشلنا

أمطري يا غيوم المحبة

يا الله تزيده و ترحم عبيده

اليوم وعيت الصبح على المطر ... حسيت إن يومي راح يكون حلو !!ا في احلي من المطر !!!ا

المهم طلعت اروح الدوام حتى شمسية ما خذت معاي .. الصراحه ما أبي يصير حاجز بيني و بين نعمة الله المطر .

- تحسون وحده فقرانه مطر -

طبعا قبل لا اركب السياره نزلت كاميرتي من الدبه و حطيتها يمي على الكشن

سبحان الله القي لفطه حلوه علشان ما اتحسف ، بعد وين و وين يصير الجو حلو عندنا بالكويت علشان نقدر نطلع نصور ...

ودي اطلع امشي حافيه بالمطر و اتمتع بالجو الحلو . بس ادري ما راح اقدر اسويها بالكويت بيقولون اشفيها استخفت !!!!ا

كل شي عندنا غريب ولازم نخزز مثلا من اطلع اصور لي لقطه القي طابور صافط يخز فيني جنه اللي اسويه شي مو عادي ..

ما تشوفون قلت السياح بالديره .

و الله ترا هذا شي يبط الجبد هالمره اذا شفت احد يخزني بقلب الكاميرا صوبه و بصور ... بعد هذا الحل علشان يوزون عن اللقافه ..

اشفيني طلعت من موضوع المطر إلى موضوع التصوير !!!!!!!!!!!!!ا

مع خالص التحية

مرور عام على رحيل بابا جابر

كلمة من القلب

يوم الأربعاء كنت سهرانه على النت لي الساعة 2 بليل تقريباً

و آنا من زمااان ما شبكت لي هذه الحزه

المهم بعد ما خلصت رحت نمت

عاد اليوم الثاني الخميس الصبح





سألني الوالد - الله يخليه - بنتي ليش سهرانه أمس ؟؟



جوابي : كنت شابكه يبه !! و مر الوقت و آنا ما حسيت



رد علي :مو آنا إللي أسألج !! طرحت عليج السؤال اللي يمكن إييج فيه يوم الحساب شنو راح يكون ردج ..!!

قلت له الصراحه يبه ما أدري



قال لي : لو مصليه لج ركعتين ابرك لج ..



قالها و راح . و ضليت افكر فعلاً ليش ما صليت لي ركعتين افضل من النت .. و عاهدت نفسي إن شاء الله مره ثانيه اذا ما ياتني النومه اصلي لي ركعتين بدل مجابل شاشة الجهاز ..



(( لا إله إلا أنت سبحانك إني كنت من الظالمين ))

الدنيـــا تـرا ما تسوى

الدنيا ما تسوى
-----
"إذا تأذيـت مـن نـاس مايفهمـوك ابتسـم وقـل لقلبـك تـرى الدنيـا ماتسـوى"

"إذا تعرضت للخيانة من ناس حبـوك ابتسـم وقـل لقلبـك تـرى الدنيـا ماتسـوى"

(أما في هذه فما أعتقد راح أقول الدنيا ما تسوي إلا تسوى)

"إذا إلي عاشرتهم بكل إخلاص اجرحوك واهجروك ابتسم وقل لقلبك ترى الدنيا ماتسوى""

"افهمها تـرى الدنيـا ماتسـوى كلهـا لحظـات وهالدنيـا تنطـوي وتنسـى"" ?

"الـدنــيــا مـاتــســوى دمــعـــة مــــــن عــيــونــك"

"الدنـيـا ماتـسـوى تـكـره الحـيـاة بسـبـب جــرح مــن جـروحــك"

"الدنيا ماتسوى يضيق صـدرك بسبـب بقايـا بشـر أكرمتهـم وأعطيتهـم روحـك" "

"افهـمـهـا الـدنـيـا مـاتـسـوى كـــل جـــرح ولازم يـبــرى"" ?

"الدنـيـا مـاتـسـوى لو تـبـكـي الـيــوم أكـيــد بتـضـحـك بـكــرة"

"الدنيـا ماتسـوى لــو تنظـلـم لابــد ينـصـرك الـلـي أعـلـم وأعـلـى"

"الدنيا ماتسوى لو يُقسى عليك راح تكبر وتنسى واللي قسى عليك راح يـذوق البلـوى". ""

"وفي الأول والأخير لو ضاقت بـك الدنيـا أعـرف إن الله أكبـر وأقـوى)

----------------

هذا إيميل ياني و عجبني قلت احطه ...

حيـــاكـــم اللــــه

السلام عليكم و رحمة الله و بركاته

وايد ترددت قبل لا افتح لي بلوق و اللي كان مرددني ، اخاف اكتب موضوع و تطلع مني كلمة الله يحاسبني عليها وبعد تردد طويل توكلت على الله و فتحتهو تفضلوا الحلو و القهوه

و إن شاء الله يكون بلوقي خفيف عليكم