يا الله تزيده و ترحم عبيده اليوم وعيت الصبح على المطر ... حسيت إن يومي راح يكون حلو !!ا في احلي من المطر !!!ا
المهم طلعت اروح الدوام حتى شمسية ما خذت معاي .. الصراحه ما أبي يصير حاجز بيني و بين نعمة الله المطر .
- تحسون وحده فقرانه مطر -
طبعا قبل لا اركب السياره نزلت كاميرتي من الدبه و حطيتها يمي على الكشن
سبحان الله القي لفطه حلوه علشان ما اتحسف ، بعد وين و وين يصير الجو حلو عندنا بالكويت علشان نقدر نطلع نصور ...
ودي اطلع امشي حافيه بالمطر و اتمتع بالجو الحلو . بس ادري ما راح اقدر اسويها بالكويت بيقولون اشفيها استخفت !!!!ا
كل شي عندنا غريب ولازم نخزز مثلا من اطلع اصور لي لقطه القي طابور صافط يخز فيني جنه اللي اسويه شي مو عادي ..
ما تشوفون قلت السياح بالديره .
و الله ترا هذا شي يبط الجبد هالمره اذا شفت احد يخزني بقلب الكاميرا صوبه و بصور ... بعد هذا الحل علشان يوزون عن اللقافه ..
اشفيني طلعت من موضوع المطر إلى موضوع التصوير !!!!!!!!!!!!!ا
مع خالص التحية
8 comments:
اي والله يازين المطر بس ياشين البرد والله يهديج بس احد يمشي حافي بالمطر ؟؟ والله كل لجمهاالعن من الثانيه :) و مبروك على البلوق
حياك الله اخوي ..الله يبارك فيك انت الصراحه اول واحد يعلق بالبلوق :)
بييه شخبار اللجمه الحين ما اعتقد بتحوشني لان يا راح امشي بالحوش او على الحشيش بالحديقه و في بالي أغنية فيروز شتي يا دنيا خلي موسمنا يحلا ...
احلى شي التمشي تحت المطر ....
شعور حلو والله
تحسين انج تمشين تحت الخير ...يربي هالاحساس يا فلانه
يا حلات المطر
امس الواحد ما وده يدش البيت من الجو
مبروك البلوق :)
صباح الخير عتيجه
حياج الله بالبلوق البلوق بلوقج :)
صدقتي و الله علشان جذيه ما احب آخذ معاي شمسيه لي طق المطر ..
و على قولة جدتي : لا تخرعون المطر بالشماسي !!!ا
هلا اختي Cr8ivia صباح الخير ..
اي و الله ما ودنا ندخل البيت من المطر الحلو و لما دخلنا قعدنا نطل من الدرايش و البسمه بوجوهنا
الله يتمم علينا خيره آمين
و الله يبارك فيج :)
المطر امس كان رهيب
مبروك البلوق
:)
سالفة قلب
الله يبارك فيك
وحياك الله
Post a Comment